< Bueltatu

Antxoen gazitze, xerratze eta oliotan kontserbatze prozesua

Antxoa xerrak egiteko, artisau erako elaborazio zorrotz bat egin behar da, emaitza erabateko antxoa xerra garbi eta zapore gozodunak direlarik.

Lonjan antxoak aukeratu ondoren, fabrikara eramaten dira eta lanketa prozesua hasten da gatzatu eta zapalduarekin. Prozesu honi gazitze prozesua deitzen zaio.

Antxoei burua kendu, eta segituan, upeletan jartzen dira lerrokatuta eta gatzez estalduta. Azkenik, upela itxi eta presioa egiten da, pisua jarriz gainean.

Zapaldu ondoren, antxoak 5-6 hilabetez uzten dira jalkitzen, 18 eta 25º-tara, kolore gorrixka eta usain egokia hartu arte.

Denbora hori igaro ondoren, antxoak helduta daude eta garbitze, lehortze eta ontziratze prozesua martxan jartzen da.

Lehendabizi, antxoetatik gatza kentzeko ongi garbitu eta lehortu behar dira. Segituan, esku trebeak banan-banan, antxoa bakoitza erditik zabaldu eta hezurrak, buztana eta azal zatiak kentzen dizkiote. Xerra biak, erabat garbiak, eskuz ontziratzen dira, lata edo kontserba ontzian.

Azkenik oliba olioa gehitzen zaie eta prest daude ixteko eta estutxean sartzeko.

Antxoa xerrak semikontserbak dira, kontserben esterilizazio prozesurik ez dute jasan. Horregatik, beharrezkoa da latak hotzetan gordetzea, 5 eta 12º-tara, eta fabrikatu eta 12 hilabete baino arinago kontsumitzea gomendatzen da.

Ezagutu gure produktuak

Dendara joan   
Izena eman gure ESKAINTZAK jasotzeko ... eta  %10eko deskontuaz gozatu zure hurrengo on line erosketan