Kantauriko Antxoak oliba oliotan. "Edizio Mugatua". Latak 120g.

Conservas Serratsen, kalitate goreneko antxoa bakarrik erabiltzen dugu, “Engraulis Encrasicholus” Bizkaiko Golkoan harrapatua bere momenturik hoberenean, apirila eta ekaina bitartean.

Gure Kantauriko Antxoak prozesu artisauz eginak direlako nabarmentzen dira. Udaberrian zehar, antxoak lonjetara iritsi bezain laster, gatzetan jartzen ditugu. Era horretan prestatzeak ahalbidetzen du antxoaren jatorrizko ezaugarriak hobekien mantentzea. Bere xerrek haragi trinko eta zapore bizia daukate, jaki bikain bihurtuz.

Hilabete batzuk gatzetan egon ondoren, antxoak atera eta garbitzen ditugu, banan-banan, eskuz eta mimo handiz. Honek esan nahi du xehetasun osoz garbitzen ditugula: azal-apurrik eta hezur txikiena ere kentzen dugu. Azkenik, kalitate handiko eta zapore leuneko olibazko olioa gehitzen diogu. Olio honek, bere zapore biziarekin, antxoei usain eta zapore berezia ematen die, itsas zaporearen eta eguzkiak lehortutako lurraren kontraste gozoa.

Garrantzitsua da jakitea antxoak SEMIKONTSEBAtzat hartzen direla, hau da, denborarekin heltzen doazela. Horregatik, gomendatzen dugu lata hozkailuan gordetzea 5ºC eta 12ºC artean, heltze prozesua motelagoa izan dadin.

Nabarmentzekoa da, halaber, gure antxoak ez direla bakarrik gozoak: benetako altxor elikagarria dira. A, B eta D bitaminen iturri dira, proteinak eta mineralak dituzte, omega-3 gantz osasungarrietan aberatsak dira, baita kaltzio eta antioxidatzaile naturaletan ere. Osasun kardiobaskularra eta digestiboa zaintzen laguntzen duten produktu fresko eta elikagarriak dira.

Azken gomendio praktiko bat: antxoa lata bat ireki eta ez baduzu osorik amaitzen (nahiko arraroa den arren), hobe da hozkailuan gordetzea, oliba oliotan estalita, eta 48 orduko epean kontsumitzea. Hortik aurrera ere jan daitezke, baina jatorrizko zapore eta usaina galduko dituzte.