Galiziako Itsasadarretako Berberetxoak

Galiziako itsasadarretako ur hotzetatik datoz gure berberetxoak. Itsaso zapore delikatua dute, eta testura samur eta goxoa. Munduko leku askotan, itsaskien maitaleentzat ahogozagarria.

Cerastoderma Edule berberetxo espeziea erabiltzen dugu Serrats-en. Kolore zurixka eta moko hori-laranja du, freskotasunaren eta jatorriaren ondorioz

Kontserbako berberetxoen bidez, bitamina, proteina eta mineral ugari eskuratzen ditugu. A, B, C eta E bitaminek sistema immunologikoa eta defentsak indartzen dituzte. Zehazki, B12 bitaminak bizkortasun mentala errazten du, eta egokia da oroimen-galerei aurre egiteko.

Latako berberetxoek burdin kantitate altua dute, lagungarria anemia prebenitzeko. Berberetxoek duten kaltzio kantitateak on egiten die hezur eta hortzei. Iodo ugari duen elikagaia da, ezinbestekoa tiroide guruinak ondo funtziona dezan. Hori gutxi balitz, fosforoa eta potasioa lagungarriak dira odol-zirkulazioa erregulatzeko eta arazo kardiobaskularrak prebenitzeko.

Proteina eta Omega 3 gantz-azido ugari dutenez, latako berberetxoak osagarri bikaina dira kirolarientzat. Gainera, oso gantz gutxi dutenez, dietetan txertatzeko ezin hobeak dira.

Noiako itsasadarretik datoz Serrats berberetxoak. Itsaskilariek harrapatzen dituzte, itsasoa oinez arrastelatuz. Ontzi batetik ere arrastelatu daiteke itsasoa, baina eskuz beti. Emakumeak azkarragoak dira, baina eurak iristen ez diren lekuetara heltzen da ontzia. Ura gerriraino iristen zaie batzuetan, eta beste batzuetan hondar lehorrean lan egiten dute, marearen arabera.

Urriaren hasieratik abenduaren erdialdera bitartean arrantzatzen dira berberetxoak. Beti biltzen da ugaldu aurretik, orduan baitu gantz gehien, eta hortaz, askoz gozoagoa da.

Berberetxoak enkantean erosten dira. Probatzen direnean, itsaso zaporea izan behar dute, ukitu gozoarekin, berberetxo bikainak direla adierazten baitu horrek. Gainera, tamaina handikoak izan behar dute, eta hala bilatzen ditugu. Izan ere, zorrotzak gara eskatzen dugunarekin.

Arrantzatu eta berehala, fabrikara eramaten dituzte berberetxoak, bertan prestatzeko. Fabrikan kalitatea berrikusten da, beste behin ere. Kalitate onenekoak badira, itsasoko uretan arazten uzten ditugu, 12 eta 14 ordu bitartean.

Itsasoko uretan egosten dira, jatorrizko zaporea eta propietateak kontserbatzeko. Itsasadarretako uretan araztea eta egostea da gure prestaketa-prozesuaren balio bereizgarrietako bat.

Jarraian, berberetxoei maskorra erretiratzen zaie, eta garbiketa-prozesua abiatzen da. Oso prozesu garrantzitsua da; izan ere, emaitza desberdina bezain bikaina eskuratzeko, funtsezkoa da garbiketa egokia, baita kalitate bikaineko lehengaiak ere.

Amaitzeko, saltsa gehitzen zaie. Serrats-en, artisau erara egindako gure egoskina gehitzen diegu latako berberetxoei, zapore naturalari kutsu leunak emateko.

Kontserbako berberetxoek ez dute baldintza berezirik behar ondo mantentzeko. Despentsan gorde ditzakezu, edo armairu batean. Lata ireki ondoren, gomendatzen dugu hozkailuan gordetzea bere saltsan edo olioz estalita, eta egun bateko epean kontsumitzea.

Mokadu bikaina direnez, Galiziako itsasadarretako berberetxoak perfektuak dira naturalean gozatzeko, konpainia onaz lagunduta, besterik gabe. Baina oso gustuko ditugu, baita ere, aparteko entsaladak, zopak, zebitxeak edota arrozak prestatzeko. Errezeta berriak eta originalak nahi badituzu, eman begiratu bat Errezetak" ataleko blog-ari. Bertan

Zapore autentiko batzuk maitemintzeko modukoak dira, pasioz eta pozez betetzen gaituzte. Halakoxeak dira ezagutarazi nahi dizkizugunak, gourmet arrain-kontserben online dendan ditugunak. Erosi kontserbako berberetxo onenak, azkar eta modu seguruan. Kalitate bikainekoak, zapore autentikokoak, bost belaunaldiren historia eta tradizioa mantentzen dutenak. Artisau kontserbak, %100 naturalak. Probatu gure kontserbako berberetxoak, eta gustuko ez baduzu, dirua itzuliko dizugu!