Kantauriko Bokartak

Berez, bokartak eta antxoak arrain espezie bera dira, baina elaborazio-prozesu desberdina dute. Bokarta-kontserba hauek egiteko arraina" Engraulis Encrasicholus espeziea da

Kantauriko bokartak usain eta zapore atsegina ditu, eta xerrak, berriz, zuri-krema kolorekoak. Arrain txikia da, hiruzpalau urtez bizi daiteke eta 20 cm inguruko neurria har dezake. Zilar-koloreko sabelalde distiratsua du, eta bizkarralde urdin grisaxka.

Kantauriko bokartak A, B eta D bitamina-iturri handia dira, baita proteina eta mineralena ere (burdina, fosforoa, iodoa, kaltzioa eta magnesioa). Pertsona ororentzako aproposak.

Gainera, Omega 3 asko dute, gomendagarria bihotza zaintzeko, odoleko kolesterol eta triglizeridoen maila murrizteko, tentsio arteriala erregulatzeko edota gaixotasun degeneratiboak prebenitzeko. Horrez gain, Omega 3 gantz-azidoak antiinflamatorio eraginkorrak dira.

Serrats Kontserbetan kalitate goreneko bokartak baino ez ditugu erabiltzen, Engraulis Encrasicholus espeziekoak. Bizkaiko Golkoan arrantzatzen dira bere unerik onenean, apirila eta ekaina bitartean, inguraketa-teknikaren bidez.

Kantauriko bokartak 100 metrotik gorako sakoneran bizi dira, baina udaberrian eta udan azalera igotzen dira ugaltzeko, eta orduantxe arrantzatzen dira. Sasoi horretan areagotzen da bokarten gantza, baita zaporea ere.

Dakizuen moduan, arrain bera dira gure Kantauriko bokartak ozpin-oliotan" eta "Kantauriko antxoa xerrak oliba-oliotan"

Goizaldean, bokarta fresko-freskoak lonjan erosten ditugu, eta berehala eramaten ditugu Bermeoko gure fabrikara. Lehenik eta behin, tripak, burua eta hezurrak kentzen dizkiegu eta uretan garbitzen ditugu, izotzarekin, erabat garbitzeko eta tenperaturarik ez galtzeko. Xerrak garbi-garbi daudenean, gatz-ozpinetan sartzen ditugu, kolore zuri bereizgarria hartzen duten arte. Gutxienez 12-18 orduz, bokarten tamainaren arabera. Ondoren, gutxienez 24 orduz, -18 gradutan izozten dira. Azkenik, izoztu ondoren (edozein motatako zikinkeriak ezabatzeko), amaitutzat ematen da elaborazioa.

Ontziratzean, gure artisau-ozpin klasikoarekin estaltzen ditugu.

Prozesu horren guztiaren emaitza trontzo zuriak dira, testura leunekoak eta gogortasun-puntu bikainekoak.

Bokartak, erdikontserbak direnez, lataren barruan ontzen jarraitzen dute, eta baldintza jakinak behar dituzte hotzari dagokionez, ondo kontserbatzeko. Gomendatzen dizugu latak leku fresko batean gordetzea, hozkailuan adibidez, 5 eta 12 ºC artean, gehiegi ondu ez daitezen.

Hori dela eta, gehienez 3 hilabetean kontsumitu behar dira, gutxi gorabehera.

Gomendatzen dizugu latak hozkailutik ateratzea kontsumitu baino 30 minutu lehenago, gutxienez. Horrela, ziurtatu egingo dugu bokarten ozpina eta tenperatura dagokien puntuan daudela.

Bokarta lata bat ireki eta amaitzen ez baduzu, litekeena ez den arren, hozkailuan gordetzea gomendatzen dizugu, 24 orduz gehienez ere, propietateak ez galtzeko. Bere ozpinetan estalita gorde daitezke, edo, bestela, oliba-oliotan.

Bokartak ezin gozoagoak dira bakarrik, beste ezer gabe. Baina bikainak dira ere errezeta pila bat prestatzeko, hala nola gildak, entsaladak, tostak, pintxo sinple edo sofistikatuak, tartarrak eta antzekoak. Errezeta berriak eta originalak nahi badituzu, zoaz Serrats-en sukaldea" blogera. Bertan

Uste baduzu, guk bezala, ideia ona dela hozkailuan beti izatea Kantauriko bokarta lata batzuk, leku egokian zaude: gourmet arrain-kontserben online dendan. Erosi kontserbako bokartarik onenak, azkar eta modu seguruan. Kalitate bikaina eta zapore autentikoak, bost belaunaldiren historia eta tradizioa mantentzen dutenak. Artisau kontserbak, %100 naturalak. Probatu, eta gustuko ez badituzu, dirua itzuliko dizugu!