Hegaluzea

Hegaluzea, Thunnus Alalunga edo Atun Zuria ere deitua, atunen familiako kalitate handieneko arraina da. Udan, hegaluzea talde handitan hurbiltzen da Kantauri itsasora, eta han harrapatzen da, “hegaluzearen kosteran”. Hegaluzeak haragi zuria, zapore bikaina eta gainerako espezieek baino testura leunagoa ditu.

Hegaluzearen gorputza liraina da eta ezkatek babesten dute. Bizkarraldeak kolore urdin ilun bereizgarria du, eta sabelaldea, berriz, grisaxka eta distiratsua. Bular-hegats luzeengatik bereizten da. Batez besteko tamaina 75 cm-koa da, eta 10 eta 15 kg arteko pisua har dezake.

Hegaluzea da osasunari onura gehien ekartzen dizkion arrain urdinetako bat. Hura kontsumituz, bitamina, proteina eta mineral ugari eskuratzen ditugu. A, B, K eta D bitaminek, eta kaltzioa eta iodoa bezalako mineralek, merkatuko elikagai osatuen eta bikainenetako bat bihurtzen dute hegaluzea.

Hegaluzearen propietate aipagarrienetako bat Omega 3 asko duela da, gantz-azido nagusia, alegia. Omega 3 funtsezko gantzak dira, gure gorputzak bere kabuz sortu ezin dituenak eta gure eguneroko dietan ezinbestekoak direnak.

Hegaluzea kontsumitzeak odoleko kolesterol-maila jaisten eta garuna egoera onean mantentzen laguntzen du. Artikulazioak eta hezurrak indartu nahi badituzu, gaixotasun kardiobaskularrak prebenitu nahi badituzu, jarri hegaluzea zure platerean!

Serrats Kontserbetan, arrantza-arte tradizionalak errespetatuz harrapatutako arrainak eskatzen ditugu. Euskal Herriko eta Kantabriako flotek beita biziaren teknikarekin edo xaxi-arrantzaren teknikarekin arrantzatzen dute, batez ere.

Beita biziaren teknika antxoa edo berdela arrantzatzean datza, itsasoko ur-mintegietan bizirik utziz, gero beita gisa erabiltzeko. Hegaluze-sarda aurkitutakoan, itsasontzia haren gainean jartzen da, eta arrantzaleak itsasoa “masatzen” hasten dira, beita bizia itsasontziaren ondoan botaz. Ur-zorrotada indartsuak leku berera zuzentzen dituzte, antxoa edo berdel kopuru handiagatik urak “irakiten” duela simulatzeko. Hegaluzeak, janariak kitzikatuta, azalera igotzen dira, arrain bizien edo amudunen gainera oldartuz. Horrela harrapatzen dira, banan-banan.

Xaxi-arrantzaren edo kurrikaren teknikan, itsasontziek “pertxa” luzeak zabaltzen dituzte, bi aldeetan amuak dituztenak. Hegaluzeek kamuflatutako beitaren arrastoari jarraitzen diote eta amuari koska egiten diote.

Hegaluzearen arrantza ekainetik urrira bitarteko kosteran egiten da, alea arrantzatzeko eta kontsumitzeko unerik onenean dagoenean. Aldi horretan, ontziak Bizkaiko Golkora joaten dira, han biltzen baita gunerik garrantzitsuena.

Serrats Hegaluzearen kontserbak artisau-prozesu zaindu bati jarraituz egiten dira, bost belaunalditan zehar ikasitakoa eta hobetutakoa.

Lehenengo fasea Hegaluzearen alerik onenak portuan bertan hautatzea da. Freskoenak.

Behin fabrikan, erraiak eta burua kentzen dizkiegu eta ur gazitan egosten ditugu 3 orduz gutxi gorabehera, hegaluzearen tamainaren arabera. Modu naturalean hoztu direnean, garbiketa-faseari ekiten diogu. Fase hau, % 100 eskuzkoa, funtsezkoa da. Esku adituen trebetasunak eta esperientziak azala, hezurrak eta gune ilunak ezin hobeto kentzea lortzen dute, solomo zuri eta osoak lortuz. Horrek eragiten du, hein batean, gure Hegaluzearen kontserbek hainbeste mahai alaitu dituen haragi zuri, zaporetsu eta goxoaren aparteko itxura hori izatea.

Garbitu ondoren, solomoak prest ditugu, eta kontu eta ardura handiz, itsasoko produktu goxo hau latetan edo kristalezko poteetan sartzen dugu. Ondoren, bereziki hautatutako oliba-olioa edo gure saltsetakoren bat gehitzen diogu.

Amaitzeko, prozesuaren faserik garrantzitsuenetako bat egiten da: esterilizazioa. Horrek bermatzen du Hegaluzea egoera ezin hobean kontserbatuko dela eta bere nutrizio-balioak garbitasun osoz mantenduko dituela. Une horretatik aurrera, produktua gure Bermeoko fabrikatik zure mahaira bidaiatzeko prest egongo da.

Hegaluzearen kontserbek ez dute baldintza berezirik behar mantentzeko. Jakitegian edo armairu batean gorde dezakezu. Hori bai, Hegaluzearen lata edo potea ireki ondoren, hozkailuan gordetzea gomendatzen dugu, olioz estalita, eta hiru edo lau eguneko epean kontsumitzea.

Serrats Hegaluzearen kontserbekin oso erraza da sukaldean nabarmentzea. Baina errezeta berri eta originalak aurkitu nahi badituzu, “Serratsen sukaldea” blogetik buelta bat ematera gonbidatzen zaitugu. Bertan, Serratsen eta gastronomia onaren zaleek bidaltzen dizkiguten Hegaluzearekin egindako milaka errezeta biltzen ditugu: entsalada askotarikoak, pintxo tradizionalak edo zapore harrigarrikoak, tostak sinpleenetatik sofistikatuenetara, betegarriak, pasta-platerak… Aurkitu zure gustukoena!

Ondo jatea gustuko baduzu, leku egokian zaude: gure arrain-kontserba gourmeten online dendan. Erosi Hegaluze kontserbarik onena modu azkar eta seguruan. Kalitate bikaineko Hegaluzearen kontserbak, benetako zaporeekin eta bost belaunalditako historia eta tradizioari eusten diotenak. Arrain freskoak. Banan-banan hautatuak. Artisau-kontserbak, % 100 naturalak. Probatu gure Hegaluzea kontserban eta konbentzitzen ez bazaitu, dirua itzuliko dizugu