Lehenik eta behin, portuan bertan aukeratzen ditugu alerik freskoenak eta onenak. Fabrikara eramaten ditugu segituan, eta han, freskotasuna eta kalitatea berriro ikuskatu ondoren, tamainaren arabera sailkatzen ditugu. Eskuz kentzen dizkiegu erraiak eta burua. Jarraian, gutxi gorabehera 98ºC-tan egosten ditugu hiru orduz, tamainaren arabera. Hegaluzeak hoztu ondoren, erretiluetan jartzen ditugu eta azala, hezurrak eta geratu den edozein orban ilun kentzen diegu banan-banan, eskuz, arretaz eta trebetasun handiz. Jarraian, trontzoak, kokotea eta mendrezka bereizten ditugu. Garbiketa-fase hori guztia eskuz egin behar da, eta oso garrantzitsua da trontzo osoak eta erabat garbiak lortzeko. Hein batean, horri esker lortzen dugu gure hegaluze-kontserben aparteko itxura, haragi zuri, zaporetsu eta gustagarria. Azkenik, hegaluzea latan edo potoan sartzen dugu, beti eskuz, eta oliba-olioa gehitzen diogu. Bukatzeko, esterilizatu egiten dugu.