Bokartak ozpinetan. Latak 100g.

Bokartak ozpinetan prestatzeko lehen pausoa lehengai onenak aukeratzea da. Serrats-en kalitate goreneko bokartak soilik erabiltzen ditugu: "Engraulis encrasicolus" espeziekoak, Bizkaiko Golkoan eta une egokienean arrantzatutakoak.

Egia esan, “bokartak” eta “antxoak” espezie bereko arrainak dira, baina prestaketa-prozesua ezberdina da.

Bokartak, bururik gabe, bizkarrezurrik gabe eta barnekoak garbituta, ozpinetan maceratzen dira 36 ordu inguruz. Ondoren, ontzitik atera eta etxean prestatutako ozpin-olio saltsarekin estalita ontziratzen ditugu.

Prozesu hau artisau eran eta arreta handiz egiten da, eta emaitza bikaina eskainiz: bokarta zuriak, garbiak, testura leunekoak eta gogortasun egokiarekin.

Datu garrantzitsu bat: bokartak erdi-kontserbak dira; hau da, denborarekin heltzen doaz. Horregatik gomendatzen dugu latak hozkailuan gordetzea, 5ºC eta 12ºC arteko tenperaturan, heltze-prozesua moteldu dadin.

Era berean, azpimarratu behar da gure bokartak, zapore bikainaz gain, nutrizio mailan altxor bat direla: A, B eta D bitaminen iturri dira, baita proteina, mineral, omega-3 gantz azido, kaltzio eta antioxidatzaile naturalen ere. Freskotasuna eta osasuna batzen dituzte, bihotz eta digestio sistemarentzat onuragarriak diren produktu batean.

Azken aholku praktiko bat: bokarta lata ireki eta, kasu bakanetan, amaitu gabe uzten bada, gomendatzen dizugu 24 orduko epean kontsumitzea eta beti hozkailuan gordetzea. Bere ozpin-saltsan estalita edo, bestela, oliba-olioan gorde daiteke.