Hegaluzea

Hegaluzea, Thunnus Alalunga edo atunzuria ere deitua, atunen familian kalitate handiena duen arraina da. Udan, hegaluzea talde handietan hurbiltzen da Kantauri itsasora, eta bertan arrantzatzen da, "hegaluzearen kostera" deituriko sasoian. Haragi zuria eta zapore bikaina dira hegaluzearen ezaugarri nagusiak. Espezie bereko beste arrainen aldean, testura leunagoa du.

Hegaluzeak gorputz estilizatua du, ezkataz babestua. Bizkarraldea urdin iluna du, eta sabela, grisaxka eta distiratsua. Bular-hegal luzeak izateagatik nabarmentzen da. Batez beste, 75 cm-ko neurria dute, eta 10 eta 15 kg bitarteko pisua har dezakete.

Hegaluzea osasungarriena den arrain urdinetako bat da. Hegaluzea kontsumitzeari esker, bitamina, proteina eta mineral ugari eskuratzen ditugu. Merkatuko elikagai konpleto eta bikainenetako bat da hegaluzea; izan ere, A, B, K eta D bitaminak ditu, baita mineralak ere, hala nola kaltzioa eta iodoa.

Hegaluzearen propietate nabarmenetako bat da Omega 3 duela, gantz-azido nagusia. Funtsezko gantzez osatuta dago Omega 3, gure gorputzak fabrikatu ezin dituenak eta ezinbestekoak gure eguneroko dietan.

Hegaluzea kontsumitzea lagungarria da odoleko kolesterol-maila murrizteko eta garuna egoera onean mantentzeko. Artikulazioak eta hezurrak indartu nahi badituzu, eta gaixotasun kardiobaskularrak prebenitu, zuretzako elikagaia da hegaluzea kontserban.

Serrats Kontserbetan, arrantza-tresna tradizionalekin harrapatutako arrainak exijitzen ditugu. Euskal Herriko eta Kantabriako flotek beita biziko edo xaxiango arrantzaren teknikak baliatzen dituzte, batez ere.

Beita biziaren teknikaren arabera, antxoak edo berdelak bizirik uzten dira itsasoko ura duten haztegietan, ondoren beita gisa erabiltzeko. Hegaluze-sarda aurkitutakoan, itsasontzia gainean kokatzen da, eta marinelek itsasoa ‘mazitzen’ dute itsasontziaren ondoan beita bizia jaurtiz. Ur-txorrotada handiak zuzentzen dituzte bertara, eman dezan ura bor-bor" dagoela antxoa edo berdel kopuru handiagatik. Hegaluzeak

Xaxiango arrantzaren teknikan, itsasontziek poste luzeak zabaltzen dituzte, bi aldeetan amuak dituztenak. Hegaluzeek kamuflatutako beitaren arrastoa jarraitzen dute, eta amuari kosk egiten diote.

Hegaluzearen arrantza-aldia ekainetik urrira bitartekoa da, orduantxe baitago arrantzatu eta kontsumitzeko sasoirik onenean. Aldi horretan, Bizkaiko Golkora doaz ontziak, horixe baita gunerik garrantzitsuena.

Gure hegaluze kontserbak prestatzeko, artisau-prozesu arduratsua jarraitzen dugu, bost belaunaldiren barruan ikasia eta hobetua.

Lehenengo fasean, portuan bertan, hegaluzerik onenak eta freskoenak hautatzen ditugu.

Fabrikan erraiak eta burua kentzen dizkiegu, eta ur gazitan egosten ditugu 3 orduz gutxi gorabehera, hegaluzearen tamainaren arabera. Modu naturalean hoztu ondoren, garbiketa-faseari ekiten diogu. Funtsezko fasea da, eta den-dena eskuz egiten da. Esku adituen trebetasun eta eskarmentuaren bidez, erabat kentzen dira larruazala, hezurrak eta eremu ilunak, trontzo zuri eta osoak eskuratzeko. Hein batean, horri esker lortzen dugu gure hegaluze kontserben aparteko itxura: haragi zuri, zaporetsu eta gustagarria.

Garbitu ondoren, prest ditugu trontzoak. Arretaz eta kontu handiz, latetan edo kristalezko potoetan ontziratzen dugu itsasoko produktu zoragarri hau. Jarraian, gehitu egiten diogu berariaz hautatutako oliba-olioa edo gure saltsetako bat.

Amaitzeko, prozesuaren faserik garrantzitsuenetako bat gauzatzen da: esterilizazioa. Horri esker, bermatu egiten da hegaluzea ezin hobeto kontserbatzea eta nutrizio-balioak erabat mantentzea. Une horretatik aurrera, produktua prest egongo da Bermeoko gure fabrikatik zure mahaira bidaltzeko.

Hegaluze kontserbek ez dute baldintza berezirik behar ondo mantentzeko. Despentsan gorde ditzakezu, edo armairu batean. Lata edo hegaluze-potoa ireki ondoren, gomendatzen dugu hozkailuan gordetzea olioz estalita, eta hiruzpalau eguneko epean kontsumitzea.

Serrats hegaluze kontserbekin, oso erraz gailenduko zara sukaldean. Errezeta berriak eta originalak nahi badituzu, eman begiratu bat Errezetak" ataleko blog-ari. Bertan

Kalitate handiko produktu autentikoak atsegin badituzu, leku egokian zaude: gourmet arrain-kontserben online dendan. Erosi kontserbako hegaluzerik onena, azkar eta modu seguruan. Kalitate bikaineko hegaluze kontserbak, zapore autentikokoak, bost belaunaldiren historia eta tradizioa mantentzen dutenak. Arrain freskoak. Banan-banan hautatuak. Artisau kontserbak, %100 naturalak. Probatu gure kontserbako hegaluzea, eta gustuko ez baduzu, dirua itzuliko dizugu!